niri buruz
¡Benetan, abentura bat izan zen!
Alazne naiz, amatasunak eta lorik gabeko gauek haur-loaren aholkulari izatera eraman ninduten.
Nire ume zaharrenak, Inarik, 4 urte ditu. Bi urte bete arte ez genuen bi ordu baino gehiago jarraian lo egiten, bularra ematen jarraitzen nuen eskariaren arabera, eta bizirik irauteko ohea partekatzen genuen. Egia esan, biotako inork ez zuen deskantsatzen, eta ni oheratzean baino okerrago esnatzen nintzen.
Lo gabeko gauak etengabeak direnean, eta hurrengo egunean lan egin behar denean edo haurtxo bat zaindu behar denean, emozionalki eragiten digun oinaze edo amesgaizto bat izan daiteke. Nire kasuan, umetxoarekin egotea nekagarria zen, eta eguneko orduak amaigabeak egiten zitzaizkidan
Une hartan, pandemiak harrapatu gintuen, eta nik ez nekien arren, Aia nire neskato txikiarekin haurdun nengoen. Nire gorputzak esaten zidan garaia iritsi zela, eta nire buruak ez zuen gehiago ematen, denok behar genuen lehenbailehen lo egin.
Gauetan aldaketa txikiak egiten hasi ginen eta harrigarria izan zen nola egun batzuetan esnatzeak gutxitzen hasi ziren, ¡magia ematen zuen!
Ezin nuen sinetsi aldaketak hainbesteko kontuarekin egin nitzakeenik. Inarik ez zuen negarrik inoiz egin, hain kontuz ibili ginen, ezen konturatu ginenerako bere gelara aldatu ahal izan genuen eta denok atseden hartzen hasi ginen.
Benetan, abentura bat izan zen!! Ziurta diezazueket lo-urte horiek bizi izanak laguntzen didala enpatia izaten familiekin; izan ere, oso gaizki pasatzen da.
Une horretan asko ikasi nuen eta konturatu nintzen familia asko gure egoera berean zeudela eta hobeto lo egiten lagun niezaiekeela.
Asko ikertu eta irakurri nuen loaren prozesuak ulertzeko moduei buruz. Azkenean, arlo horretan trebatzea erabaki nuen, eta Gentle Sleep Coach (haurren loaren aholkularia) egiaztagiria lortu nuen.
Ondoren, haurren elikaduran trebatu nintzen, eskutik helduta doazen bi gai dira, eta informazio guztia behar nuen zerbitzu integrala emateko.
Denbora honetan guztian, ehunka familiari lagundu diet beren gauak hobetzen, behar diren tresna guztiak ditut zuei laguntzeko eta ume-hazten ari zaretenean babesa emateko... ikaragarri gustatuko litzaidake zuen gidaria izatea inoiz ahaztuko ez duzuen aldaketa handi baterako bidean, eta ziur nago talde handi bat osatuko dugula...Hasiko al gara?
![](https://res.cloudinary.com/joseba/image/upload/c_scale,q_92,w_1007/v1665674400/alazne_website/qabjhl2aupmpgcz9h17c.jpg)
Zerbitzuak
Kontaktua
Harremanetarako formularioa
Jarri nirekin harremanetan eta hitz egingo dugu!